You are here: » Blogs Home » abu mohammed's Blog » Ay lakhte Jigar
|
Ay lakhte Jigar
A fathers dua to his daughter at the time of widai. Really nice.
ay lakhte jigar ay mere maah paare ay beti mere dil ke roshan sitaare
qaraare dilo jaane maadar pidar tu sukoone jigar aur noore basar tu
ujaala tere dam se he mere ghar mein teri bholi surat he sabki nazar me
tujhe dekh kar hoti shaad maani teri roo’e zibaa meri zindaganee
tere gham me haalat tabaah ho raheehe ke tu aaj humse judaa ho rahee he
tere chote bhaee bhi larte the tujse zaraa baat par yeh bhi larte the tujhse
magar aaj yeh sab ke sab roh rahe hein judaaee ke ashkon se moonh dho rahe hein
teri behnein aapasmein mooh tak rahi hein magar zaahira tujhse ye hans rahi hein
teri waalidah ki ye haalat he beti ke rotee he chup chup ke ghar mein akelee
nahi dil beheltaa he behlaye qyoon kar rakhein kis tarah kalejhe pe pathar
yahaan tu ne pehne phate aur puraane ke guzre hein ayse bhi akthar zamaane
kabhi bukaa pyaasa bhi rehna padha he kabhi sakht aur soost kehnaa padha he
uthayaa he raton ko neendho se tujhko ke beti hamaaraa zaraa kaam kardo
har ek baar khidmat kaa tu ne uthaayaa magar tere chehre pe bal tak na aayaa
khuda ke liye apna dil saaf karnaa joh guzri hein taklifein woh muaaf karnaa
magar ab sharee‘at se majboor hein hum yeh hukme khuda he to ma‘zoor hein hum
tujhe aaj qudrat ne yeh din dikhaayaa tujhe teri behno(n) ne dulhan banayaa
mubaarak ho susraal janaa mubaarak sharee‘at se shohar ka paanaa mubaarak
magar chand batein meri yaad rakhna kabhi oof na karnaa agar dukh bhi sehna
na ghabraana toofaane baatil se darr kar qadam haqq ki jaanib tu rakhnaa sanmbhal kar
kabhi hukme shohar se ghaflat na karna sadaaqat se jeena sadaaqat pe marnaa
Muhammad ke payghaam par dil se chalna gharibon faqeeron se nafrat na karna
namaz aur rozah woh farmaane haqq ke na chootein kabhi jaan kar beti tujhse
shikayat ka mowqa‘ kisi ko na denaa kabhi bhool kar bhi tu gheebat na karna
rahega tere dar pe daamaane rahmat teri ghodh bachon se bhar degi qudrat
tere saaye mein jab yeh bachche paleinge to mazhab ki raah mujaahid banein ge
yeh Deen aur dunya mein ujaalaa karein ge ye tauqeere millat dobaalaa kareinge
mubaarak ho tujhko nayaa ghar banaanaa mubaarak ho shohar ki ghaliyaan basaanaa
judaa tujhko karna gawaaraa naheen he magar hukme qudrat mein chaaraa neheen he
habeeb ab kahoon kya ye he hukme qudrat ke paaye koyi aur le koyi khidmat
ay lakhte jigar meri jaan pyaari ay beti mere dil ki roshan sitaari
» Posted by abu mohammed on 14th June 2011
0 Comments
|
|
|
|
